Un'onta e una ponta/38
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 37 | Edission e fonte ▼ | 39 → |
- 38.
I nostri noni, in vita o in testamento,
ga donà some grosse ai desperai.
Strupii, orbi, putéi, veci, malai
anca adesso se agiuta ogni momento.
Ghe xe milioni che no dà provento
conveniente, o vien mal aministrai;
l'Asilo fa paura ai desgraziai
che no i vol esser confinải là drento.
Acatoni, ma líbari, sporzendo
la man per strada i ciapa quel che ocór
― oziosi ― a viver ben zorno per zorno;
e Sindaçi e Prefeti ― no vedendo
la piaga che fa rabia e strenze 'l cuor ―
xe causa prinçipal del nostro scorno.