Un cor d'oro
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Gh'è del duro! | Edission e fonte ▼ | La va in coleio → |
UN COR D’ORO
La g'à tuti i difeti de natura,
L’è picola, l’è goba, l’è sgarlona;1
L’è un spegasso,2 un oror, sta pora dona,
Da metar compassion a diritura!
Sensa nissun dal cor che se ne cura
No gh’è a sto mondo la più gran sgobona:
A far de tuto quanto la vien bona
E la se strussia3 fora de misura.
Ma sta dona che campa de sudori
La s'à tirado in casa du fioleti4
Lassadi5 in abandon da i genitori!
Quando ò savù6 sta cosa e un giorno, in strada,
L’ò vista a caressar7 quei puteleti....
Cosa volìo, mi l’avarìa basada!8
- Note