Un sogno (Vittorio Vitturi)
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← El comò | Edission e fonte ▼ | La çena → |
In meso al mar gh’è un’isola, che quasi la se perde,
Con dei boscheti folti, tuta fiorida e verde;
Come un nastro de argento, ghe sbrissia1 un fiumesel,2
E in meso, gh’è un lagheto, ch’el par cascà dal ciel
Là in fondo, l’è un continuo su e zo de montesei.3
Con grote e progni4 e boschi, che no se dà5 i più bei..
Quando che sponta el sol che musica, che còri,
Che a soli de oseleti6 da i tanti bei colori!
Con ti passar la vita in sta bela isoleta,
A l'ombra de quei àlbari, sul lago in gondoleta,
Spassesar a brasseto7 in riva a la marina,
Cantar co i oseleti de sera e de matina;
Con ti passar la vita in sto sito incantà,
In sto paradiseto... Basta, son desmissià!..8
- Note