Una barufa

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Attilio Sarfatti ― Rime veneziane ― Libro Terzo

XI. Una barufa

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

← X. Nine-nane

Edission e fonte ▼

LIBRO QUARTO →

[p. 140 modifica]

XI.

UNA BARUFA

La xe stada cussì: lu me ga dito:
Bulo - e mi: va in malora - e lu: pagiasso.
E mi: macaco - e lu: can e smargiasso.
4E mi: puina - e lu: piavolo e schito.

Mi, che go el sangue caldo, ò tirà drito,
E lu, sto bogia, drio passo per passo.
Mi me volto e ghe digo: òla, bravasso,
8Se ti continui ti xe belo e frito.

Lu taca ancora; mi, perdio, me sento
Spizzar le man, ghe salto adosso, e lu
11Me lassa andar un pugno a tradimento.

Casco, me levo su come 'na jena,
Ostrega porca! no lo vedo più,
14E me cato el gilè senza caena.