Nine-nane

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Attilio Sarfatti ― Rime veneziane ― Libro Terzo

X. Nine-nane

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

← IX. El çivetar

Edission e fonte ▼

XI. Una barufa →

[p. 138 modifica]

X.

NINE-NANE

1

Dormi, anzoleto mio, fin domatina
Ne la to bela cuna piçenina.
Dormi, tròtolo mio, tesoro belo,
Come che dorme i anzoli del çielo.
5Sera, còcolo mio, quei bei ocioni,
Che a st'ora dorme i fantolini boni.
Fa tuto un sòno fin che i te desvegia,
Cuor de la mama, amor de la famegia.
Fa nana, fantolin, ne la to cuna.
10Fa nana fin ch'el sol scassa la luna.

[p. 139 modifica]

2

Sto qua xe 'l fantolin vegnuo dal cielo
A far contenta tuta la famegia.
Co 'l dorme el par un anzoleto belo.
4Un anzoleto belo co 'l se svegia.

Dormi queto - caro amor.
Anzoleto - del mio cuor.

Nina - nana - dormi, santo.
La campana - ga sonà.

Dei oseleti el canto
10Doman te svegiarà.

Sèra quei bei ocieti de carbon,
Sèra quei bei lavreti de rubin.
Ne la to cuna ti par tanto bon.
14Staghe fin domatina, fantolin.