Una bellezza mi vorrìa lodar
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← L'altro dì caminando per l'ingresso | Edission e fonte ▼ | Tette fatte de latte, e de zonchiada → |
Una bellezza mi vorrìa lodar
De quelle se puol dir d'ultimo biondo,
Ma no sò da che banda scomenzar,
4Se dal naso, dal petto, oppur dal Tondo.
A dir, che un'altra Elena la par,
Che venere con ella gà el secondo,
I xe pensieri vecchj, co è 'l cagar,
8E piuttosto mi taso, e me nascondo;
Ma qualcosa vorrìa dirghe de bello
Per farghe quella lode, che ghe và,
11E che affatto el pensier fusse novello.
Dirò, che la gà tante qualità,
Che a vardarla la fà tirar l'Osello;
Da questo argomentè la so beltà;
15Che se tanto la fà
D'impression sora i corpi a sol vardarla,
Cosa farala a quei, che puol toccarla,
18E pò anca chiavarla?
Ah! sì, che la gà un petto, un collo, un viso,
Che tanti pezzi i xe da Paradiso;
21Tanto che mi ho deciso,
Che se ella fusse stada in quel momento,
Che in terra xe vegnù tutto contento
24Giove per andar drento,
El s'averìa de questa buttà addosso,
E el l'averìa chiavada a più no posso.