L'altro dì caminando per l'ingresso

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 36 modifica]
BELLEZZA D'UNA RAGAZZA.


SONETTO


L'altro dì caminando per l'ingresso
    Una ragazza hò visto sul balcon
    Cussì bella, e gentil, che corponon
    4La compagna no ghe xe in tutto 'l sesso.

L'hò vista, se puol dir, de rebalton,
    Ma el viso zà me xe restà sì impresso,
    Cosa serve, per Dìo, zà lo confesso,
    8Che per ella l'Osello hà dà un tiron.

Do Tette la gavea, che parea late
    Descoverte, se sà, che l'uso è tal,
    11Assae più grande delle mie culate;

Do occhj, per Dìo, che intima guera,
    Una man bianca degna de cotal,
    Un viso in summa da buttar a tera
                        15Qualunque, che ghe giera

[p. 37 modifica]


Nò zà Omo de Mondo, che se sà,
    Che subito l'Osel ghe stà tirà,
                    18Ma ancora in verità

Un Bardassa, un Puttello, ogni persona,
    Che dopo nato no hà toccà la Mona,
                    21Che vive zò alla bona

Colla leze de quel, che ghe comanda
    La gran Mona lassar sempre da banda;
                    24Questo, chi me domanda,

Che Diavolo lù xè; mi ghe dirò,
    Xenocrate l'e stà, per quanto sò,
                    27E a dirghe el nome sò,

Filosofo cogion, e visdecazzo,
    Che in vita soa no gà godesto un Cazzo.
                    30Almanco mi sto impazzo

[p. 38 modifica]


No lo patisso, e no l'ho mai patìo,
    Che so' andà sempre in Mona, oppur da drìo,
                    33E digo a parer mio,
 
Che in quel buso se trova assae trastulo
    Più grando, o quanto xe l'andar in Culo;
                    36Cussì m'hà dito un mulo,

Che xe stà quindes'anni alla Pietae,
    L'Inverno in Mona; e in tel Cul l'Istae.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27altro_dì_caminando_per_l%27ingresso&oldid=45417"