Una putta hò tentà con arte, e bezzi

by Giorgio Baffo

3 Una putta hò tentà con arte, e bezzi Raccolta universale delle opere di Giorgio Baffo Tomo III Putte, zà, che sè bone Dirghe al mio Cazzo Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Una putta hò tentà con arte, e bezzi

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Putte, zà, che sè bone

Edission e fonte ▼

Dirghe al mio Cazzo  →

VANI ATTENTATI DELL'AUTORE.

SONETTO

Una putta hò tentà con arte, e bezzi
    Per tirarla d'accordo al mio partìo,
    Qualcosa hò fatto, gò toccà el da drìo,
    4Che dal gusto m'andava 'l Cazzo in pezzi;

Ma dopo quattro zorni de mattezzi
    M'è convegnù sìar, e dar in drìo,
    Sul più bello el negozio m'hà fallìo,
    8Perchè ghè vegnù in testa i chiettinezzi;

La me xe vegnua vìa colla moral,
    E che diversamente i libri parla
    11Da quello, che vorrave el mio Cotal;

Intanto no hò podesto più toccarla,
    E son restà impiantà, come un Stival,
    14Quando, che me credeva de chiavarla.