Uno dei Mile

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Adolfo Gerani ― Poesie veneziane

Uno dei Mile

1903

Edission original:	Adolfo Gerani, Poesie veneziane, Venezia, C. Ferrari, 1903
Fonte:	Indice:Gerani - Poesie veneziane, Venezia, Ferrari, 1903.pdf

← El Funeral

Edission e fonte ▼

El campaniel de sa' Marco →

[p. 47 modifica]

XXI.

UNO DEI MILE...

Geri xe morto el vecio Cabolon...
     Uno dei Mile, (dise i so viçini);
     Scometo che Marsala sto imbriagon
     Solo vista el la gà in-t'i bicerini...

(Xe quarant'ani da la Spedizion,
     E ancora mor de quei garibaldini...
     Ma, e quanti i gera sti Mile, un milion?
     Che i salta fora come i pulesini)!...

Bisognava sentirlo, (oh, maravegie)!
     Quando el contava su le so batagie
     Fate col... vin de Trani e de Bisegie!...

Tuta Venezia saveva a memoria
     Le bravure del re de le canagie;
     Basta, el xe morto... (Dio lo gabia in gloria)!..