Vaga a Venezia subito a dretura

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 21 modifica]
VII


Vaga a Venezia subito a dretura
     Chi vol aver motivo de stupor,
     E veder vol cossa sa far Natura
     4Co' in impegno la xe de farse onor.

Venezia solo de sta gran ventura
     Xe stà degna, e la à bu sto gran favor;
     Là ghe xe la più bela so fatura,
     8La magior prova del so gran valor.

El vedarà una Drezza de Cavei
     De undese quarte, dei più fini e biondi,
     11Dei più rizzi, più folti, e dei più bei.

E scometo per sbrio l'istessa testa,
     Che no se pol trovar per tuti i mondi
     14Cossa più bela e rara più de questa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Vaga_a_Venezia_subito_a_dretura&oldid=43097"