Ventiquattro Odi Scelte di Orazio Flacco/17

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

EPODO X. LIBRO V.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

← ODE XI. LIBRO I.

Edission e fonte ▼

ODE XXVII. LIBRO I. →

[p. 255 modifica]

Epodo X. Libro V.

Mala soluta navis exit alite
Ferens olentem Maevium.

A MEVIO POETA

Desiderando ch'el se nega per viazo.

Co gran mal augurïo,
    Cargà su una nave,
    Quel Mevio poeta,
    Che spuzza che infèta,
    5L'è là per partir.

[p. 256 modifica]

Ti, donca, te sùplico,
    Gran'Ostro tremendo,
    De far che in le sponde,
    Quel legno da l'onde
    10Sia ben sculazzà;

E ch'Euro te sèguita,
    Sbregando, slanzando,
    E gomene e cài,
    E remi e costrài
    15A torzio sul mar;

Nè Bòra terìbile
    (Che spianta noghère)
    No 'l staga de bando,
    Ma el vada supìando,
    20Fin quanto ch'el pol;

Nè mai stèle lucide
    Che staga a far chiaro;
    Ma sempre che dura
    L'orenda negrùra
    25Che porta zò Orìon;

In soma, desìdero,
    Che ti àbi quel viàzo,
    Quel orido vento,
    Quel mar, quel spavento,
    30Che Ajace à provà

(Per via de quel'ordene,
    Co siora Cassandra¹

[p. 257 modifica]

    Successo in tel tèmpio,
    Co' pessimo esèmpio...
    35Lassèmola là...

Che zà, po', da Palade,
    E lù, e i so' compagni
    Da Troja scampài,
    In mar, consolài
    40Xè stà come và!)

Oh come che i strussïa
    Quei to' marinèri!
    E tì, se no fàlo,
    Ti tremi, e ti è zàlo
    45Co' fà el zafaran;

Che zighi da fèmena,
    Che preghi mai fastu?
    Zà Giove, stà volta
    Per gnente te ascolta,
    50Contràrio el te xè.

El mar rùza e strepita,
    El scògio te aspèta,
    Barùfa fà i venti,
    La nave a momenti
    55L'è là per andar.

Ah! quando certissimo
    Sarò, che sul lido,
    (Facendo cucàgna)
    I smerghi te magna,
    60Dirò: beato mì!

E al dìo sora i turbeni
    Farò la mia ofèrta
    (Zà che a mio giudizio
    L'è stà un gran servìzio
    65De farte negar!)

[p. 258 modifica]

Darò in sacrifizïo,
    Unito à un'agnèla,
    El più lusurìoso
    Cavron sozzolòso,
    70Che possa trovar.

Note a cura de l'autor

↑ Sta siora Cassandra giera fia de Priamo e xè stada violàda de Ajace fio de Oilèo, nel tempio de Palade. Sdegnàda la Dea la gh'à zurà vendèta, e la l'à fato naufragar al Capo Cafareo ne l'Eubèa vegnindo via de Troja —

[1] Sta siora Cassandra giera fia de Priamo e xè stada violàda de Ajace fio de Oilèo, nel tempio de Palade. Sdegnàda la Dea la gh'à zurà vendèta, e la l'à fato naufragar al Capo Cafareo ne l'Eubèa vegnindo via de Troja —

1