A le campane de Sant'Ufemia

by Giovanni Veronesi

3 A le campane de Sant'Ufemia I muralioni e i posteri Torna i fior... Giovanni Veronesi XX Soneti veronese

Indice:Il dialetto e la lingua - Antologia vernacola.djvu

Giovanni Veronesi

A le campane de Sant'Ufemia

XX secolo

Edission original:	Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924
Fonte:	Indice:Il dialetto e la lingua - Antologia vernacola.djvu

←  I muralioni e i posteri

Edission e fonte ▼

Torna i fior...  →

A le campane de Sant’Ufemia ¹

Quando a l’alba sonè l'Ave Maria
     Subito me desmissio ²; ascolto atento
     I so quindese boti, e in un momento
     El cor el me se slarga ³ d'alegria;
Che ogni colpo che bate el para via
     I bruti sogni che ghe ruma drento ⁴
     E, se da novo, m’indormenso, sento
     Ancora de quei boti l'armonìa.
Sonè, dunque, campane;.... è poesia
     Che i batocoli vostri i spande al vento
     Là in alto, fra le pàssare, che pia;
Sonè fin che podì, no me lamento:
     Sonè quel che volì ⁵ mi son contento....
     Ma no sonè da morto o da angonìa.

Giovanni Veronesi

---

Note

1. Sant'Eufemia, la bella Chiesa rifatta nel 1275, consacrata a parrocchia nel 1331, ebbe compiuto il Campanile nei primi del 1500.
2. mi sveglio.
3. mi si allarga il cuore.
4. mi turbano l'animo.
5. suonate ciò che volete, ciò che vi pare e piace.