Torna i fior...

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Gianni Monicelli

Torna i fior...

XX secolo

Edission original:	Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924
Fonte:	Indice:Il dialetto e la lingua - Antologia vernacola.djvu

← A le campane de Sant'Ufemia

Edission e fonte ▼

El reatin e l'aquila →

[p. 33 modifica]

Torna i fior....

— Mama, mama, ’na viola! — Oh, elo vera?! —
     Da un granar i sigava ai primi ciari.
     ’Na rondena vegnù di là dai mari
     L’à risposto: ci-ci....: l’è primavera.
E rossi e bianchi: rose e mandolari;
     E verde novo l’à vestì la tera.
     Tuto ride: se sveja: tuto spera;
     Tuto dise finidi i giorni amari.
Basi e promesse! Taca la rosària ¹.
     Co l’oro de sto sol scapa i pensieri
     E ’na canson la zúgola ² par aria.
Zo i puleleti i fa bossòlo tondo. ³
     Eco el doman! Mi son ormai de ieri,
     Ma rido istesso: anco l’è belo el mondo!

Gianni Monicelli

Note

↑ Rosària: è fiaba, fola, (da: rosario).
↑ zúgola, o súgola, o sògola: gioca, si spande per l’aria.
↑ Il ben noto gioco dei bambini: bòsolo è: cerchio: corrisponde a giro tondo.

[1] Rosària: è fiaba, fola, (da: rosario).

[2] zúgola, o súgola, o sògola: gioca, si spande per l’aria.

[3] Il ben noto gioco dei bambini: bòsolo è: cerchio: corrisponde a giro tondo.

1

2

3