Ai letori

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Giuseppe D'Alpaos ― Svoladine e refoli

Ai letori

1897

Edission original:	Giuseppe D'Alpaos, Svoladine e refoli, Venezia, Fratelli Visentini, 1897
Fonte:	Indice:D'Alpaos - Svoladine e refoli, Venezia, Visentini, 1897.pdf

← Dedica

Edission e fonte ▼

Indovinelo... spiegà →

[p. 7 modifica]

AI LETORI

          Gaveva l'intenzion
          De far la prefazion;
          Ma, avendola trovada
          In un soneto scrita
          De sior Tati Remita...,¹
          Fadiga sparagnada!...
          Lezela! Tal e qual..
          Ghe trovarè del sal:

Me seca molto çerti laureati
Co i se mete a parlar de la poesia;
Chi dise: Per un bezzo la daria,
Chè i versi de parole xe barati;

Chi dise: L'è un mistier da zovenati;
Chi me dise: L'è un tempo butà via;
Chi: La xe solenissima pazzia,
Chè xe i poeti tuti quanti mati!

Chi la fa de le scienze la corona,
Mare de l'estro e del divin furor,
Domatrice dei barbari, o patrona.

Mi digo: Xe 'l poeta un ligador;
Se la zogia xe falsa el ve cordona
Se la xe bona el ghe cresce el valor.

Note

↑ Tati Remita è nome anagrammatico di Tita Merati o Giambattista Merati, celebre poeta veneziano che fiorì poco dopo la metà del secolo XVIII, e che visse riputatissimo abate della sua religione de' Monaci Benedettini di san Giorgio.

[1] Tati Remita è nome anagrammatico di Tita Merati o Giambattista Merati, celebre poeta veneziano che fiorì poco dopo la metà del secolo XVIII, e che visse riputatissimo abate della sua religione de' Monaci Benedettini di san Giorgio.

1