Al Domino

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Adolfo Gerani ― Poesie veneziane

Al Domino

1903

Edission original:	Adolfo Gerani, Poesie veneziane, Venezia, C. Ferrari, 1903
Fonte:	Indice:Gerani - Poesie veneziane, Venezia, Ferrari, 1903.pdf

← La Note del Redentor

Edission e fonte ▼

El Funeral →

[p. 44 modifica]

XIX.

AL DOMINO

(DIALOGO FRA DO VECI TODESCANTI).

― «...(Bianca). Se stava come tanti re
     Soto i todeschi!... (zoga).» ― «(Tuta bianca)»
     ― «Do sievoli costava 'na palanca!»
     «La xe 'na verità» - «(Bianca col tre)!»

― «(El tre gà el cinque); pesca» ― «Ooo, e prima che
     Vegnisse sti stranati... (ghe ne manca)?»
     «(No, le xe tute)» ― «...e po de cani, gnanca
     No ghe gera 'na tassa...» ― «Vero xe!»

― «Inveçe adesso semo pieni infin
     Sora la testa; (zoga).» ― «(Toca ti).»
     «(Col do). Tuto per colpa de Manin!...»

― «E Tomaseo.» ― «Mi, quando che li nomino,
     Me boge el sangue..» ― «(El do gà el quatro); e mi?
     Che squasi, squasi...» ― «(Dopio quatro).» - «Domino!...»