Avemaria
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← Fato de Cronaca | Edission e fonte ▼ | El bel tenor → |
.jpg)
Vien qua mora, mi te adoro
Sol per ti me bati el cor,
Ti ti sa mio bel tesoro,
Che xe un gusto far l’amor.
E quando sona l’Avemaria,
Mi sula boca te baserò,
Che sempre, sempre ti sarà mia
Al cor strenzendote te giurerò.
No te vestirò de raso,
Ma mia sposa te farò
E compagni al primo baso,
Tuti quanti te darò.
E quando sona l’Avemaria, ecc.
El mio vero amor aceta,
E no stame far morir,
De sì disi benedeta
Che comincia za a imbrunir.
E quando sona l’Avemaria, ecc.
Scolta, dai la mia preghiera.
Mi te condurò al altar,
La campana dela sera,
Incomincia za a sonar.
E quando sona l’Avemaria, ecc.