Barufa de done (Vittorio Vitturi)

by Vittorio Vitturi

3 Barufa de done Strade e vicoli La colassion Biancaria al sol Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

Barufa de done

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  La colassion

Edission e fonte ▼

Biancaria al sol  →

BARUFA DE DONE

     — Ciò, senti Béta, insègneghe a to fiol
A tirar sempre drito la so strada....
— Ti con me fiol ormai te l’è ciapada¹
E a dirtela sul muso la me pol!

     — No ghe l’ò con nissun! l’è un rompicol
Che el g'à tirà al me gato ’na sassada,
Ma se el vien quà ghe maco² la fassada;³
Guarda, me fasso un gropo in t’el fassol!

     — E el tuo a me fiola el g'à tirà i cavei!
— La g'à dà del piocioso,⁴ el setu miga?
— Se sa, i è pieni tuti i to putei!...

     — Bruta schifosa, mi te mando ’ndove...
E intanto i mostri i bala, i fis-cia, i çiga:
“Le done che barufa: piove! piove!!„

---

Note

1. [p. 102]Ciapada: preso in uggia
2. [p. 102]maco: ammacco
3. [p. 102]fassada: il muso
4. [p. 102]piocioso: pidocchioso.