La colassion
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← El vental | Edission e fonte ▼ | Barufa de done → |
LA COLASSION
Un impiegato a mile e quatroçento,
Vestì de roba fina come un sior,
Apena el sente i bòti1 de la tor
El scapa da l’ufissio come el vento.
De prima vista el pararìa contento;
Ma se podessi lèsarghe nel cor,
El magnaria el figà2 de qualche sior
Che, lì par strada, el lo saluda a stento.
. . . . . . . . . . . . . . . . . . . . . .
Gh'è parecià...3 La so tovaia bianca,
I piati, le possade, el pear, el sal,
E la botiglia nera no la manca.
No gh'è mal nel parecio; ma in sostansa
Gh'è un polentin, un eto de mental,
E acqueta fresca da lavar la pansa!4
- Note