Complimenti
|
Edission original: |
Berto Barbarani, I due canzonieri, Verona, P. Apollonio, 1917 |
|
Fonte: |
| ← El camin novo | Edission e fonte ▼ | El mese de le malinconie → |
I to oci quando i sluse
i fa ciaro sensa lume;
i me alsa e i me conduse
su par aria come piume,
come piume in boca al vento
nel paese de l'argento....
Nel paese de l'argento
gh'è le case bele bianche;
– Scapa drento, scapa drento, –
che a viagiar ghe vol palanche!
Cissà quanti a andar fin là
quanti sachi gh'in vorà!
I cavei de seda s-cieta,
i par sguissi1 de sol caldo,
trati in volta da l'arieta
che vien zo dal Monte Baldo;
te gh'è in testa i cavei d'oro,
del paese del tesoro...
Nel paese del tesoro
gh'è le bele case giale!
Voi portarghe, se no moro,
me morosa su le spale,
ma a portarla in fin a là,
quante strussie2 ghe vorà?
La to boca soto el naso,
de le boche l'è la prima,
l'è un fiocheto de bombaso3
co una fraga schissà in çima;
la conduse col vapor,
nel paese de l'amor...
Quando ben se s'inamora
se sta vivi un pesso e un toco;
― Cori fora, cori fora, –
che a ’ndar là se spende poco!
Cissà quanti infin a là,
quanti basi se se dà!
- Note