El Galante Romantico
|
1826
|
|
Edission original: |
Luigi Martignon, Raccolta poesie veneziane dell'autore dei Capricci poetici nello stesso dialetto stampati nel 1819, Parte prima, Treviso, Francesco Andreola tipografo, 1826 |
|
Fonte: |
Indice:Raccolta poesie veneziane dell'autore dei Capricci poetici nello stesso dialetto 1.djvu |
| ← Scherzo per Nozze | Edission e fonte ▼ | Quesito per Nozze → |
Inamorà Mirtillo
Zovene Parigin
D'una che lo tegnia poco tranquillo,
Maledisendo andava el so destin,
E fatto servitor del pregiudizio
All'amor fa divoto un sagrifizio.
I Dei tutti lu invoca,
A spalancada boca,
L'innalza un'ara, e su ghe xe destesi
Più romanzi francesi,
Un ligambo istorià, pochi cavei,
Un guanto, e varj mistici trofei:
Xe fatto el fogo da un sonetto solo
E un sospiro d'amor serve da folo.
Dopo in tragico ton cussì l'esclama
Quando più bella se facea la fiama.
» Febo el carro del dì cedi all'amor,
» Lu i fogosi cavai battendo in pressa,
» Percorrerà el cammin con più valor
» Per ricondurme fortunada l'ora
» Nella qual vedarò chi me innamora.
Vegnudo el bel momento
El corre dalla Dea, ma oh tradimento!
Scordando la fedel l'ora pontada.
Con un altro signor l'ha baratada.
.jpg)