El maestro
|
Edission original: |
Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924 |
|
Fonte: |
| ← No bisogna biastemar | Edission e fonte ▼ | Ancora pocio → |
EL MAESTRO
Mame e papà se unisse a far musina
par «cromparne» 1 qua o là; soto la scala....
soto un fior o ’na pianta... o za in cantina...
o nel fosso... o sui copi... o drettto in stala...
E nei campi o a l’uficio o a l’oficina
suda el pare,... el laara,... e resta a gala
la baràca.... E la mama fa matina
fra pianti e strussie s’el putin se amàla....
I ne 'nsegna i passini; e parolete
pa’, ’l «bombo», el pan, la pàpa, el vestitin:
i ne veste, i ne basa, i ne consola!
...Ma 'l sarvel resta udo! E ci ne mete
con passiensa ’na presa de sal fin
drento la suca l’è ’l Maestro a Scola!.....
Giuseppe Barni
- Note
- ↑ È verbo usato per indicare la nascita; «comperare» si dice ai fanciulli per celare il modo e l'atto del nascere.