El me putin
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← De carneval | Edission e fonte ▼ | El lunario de la Brà → |
EL ME PUTIN
(Parla un popà)
Del me putin no stèmene1 a parlar
Che, se scominsio,2 no finisso più;
L’è come quando me lo baso su:
«Basta, Vitorio, te lo vol magnar!3
«Poro el me cocolin, te fai sigàr?»4
Ma mi la vedo; quando el baso lu,
La me Marieta la se missia su,5
Piasèr più grande no la pol pròvar!
L’è tuto cicia;6 un pomo da la rosa:
E quei oceti,7 e quel bochin, che vuto?8
El ma strïado9 mi con la me sposa.
Guardèlo quà, guardèlo che angiolin;
Mi ve sicuro che me desfo tuto,10
Quando el me dise: to’ papà, un basin!
- Note