Il Milione/007

by anonimo

Il Milione
(versione veneta) CAPITOLO VII CAPITOLO VI CAPITOLO VIII anonimo

antica traduzion veneta de anonimo autore de Il Milione de Marco Polo

Anonimo

Il Milione
(versione veneta)

CAPITOLO VII

XIV secolo

Edission original:	Il Milione veneto : ms. CM 211 della Biblioteca civica di Padova, Barbieri, Alvaro (a c. di), Andreose, Alvise (a c. di), Mauro, Marina (a c. di), Renzi, Lorenzo (a c. di), Marsilio, Venezia, 1999
Fonte:	http://www.classicitaliani.it/duecento/Polo_Milione_01.htm http://www.bibliotecaitaliana.it/testo/bibit000514

←  CAPITOLO VI

Edission e fonte ▼

CAPITOLO VIII  →

antica traduzion veneta de anonimo autore de Il Milione de Marco Polo

Chome i anbasiatori de uno re vene ala chorte del Gran Chaan e domandò per grazia al signior che quel misier Nicollò, Mafio e Marcho andasse con loro.

Quando misier Nicolò e misier Mafio e misier Marcho fo stati in la chorte del Gran Chan tanto chome ò dito de sopra, egli domandò piuxor fiade parolla al signior de poder tornar a sua tera, ma tanto era l’amor ch’ell li aveva ch’el non li volea dar chonbiado né parolla che i se ne andasse.

Qui erano in quel tenpo che morì una regina d’India che aveva nome Balchana e ’l marito aveva nome re Argon.

Quella regina aveva ordenato in suo testamento che ’l re non se podesse maridar se non de quella chaxa de quella regina Balchana.

De che Argon sì mandò tre suo’ anbasiatori, gran baroni, molto granmentre e chon gran chonpagnia al Gran Chaan, a pregar ch’el li dovesse mandar una donzella del parentado de Balchana, la qual dovesse eser sua moglier.

L’uno de questi baroni avea nome Onbatai, el segondo Apascha, el terzo Choila.

Quando egli àveno fato la anbasiata del suo segnior, lo Gran Chan li fexe grande onor, e po’ fè’ vegnir una donzella davanti de ssi de quel parentà che i voleano, che aveva nome Gogatin ed era de XVII ani e molto bella dona.

E disse a quelli baroni: «Questa è quella che vui andé zerchando».

E li baroni, quando i àveno udita la parolla, fono molto lieti e chontentisimi.

E siando questi baroni a chorte, missier Marcho zonsse ch’el vegniva d’India d’una anbasiaria.

E lli baroni, vedando missier Nicollò e misier Mafio e misier Marcho, e chogniosando ch’elli erano latini e cusì vallenti homeni, e aldando ch’elli aveano voluntà de partirsse, domandà per grazia al Gran Signior che i lli desse in soa conpagnia, ché ’lli andaseno seguri per mar chon quella dona.

Sì che lo Grande Chaan disse alle fin de far ziò ch’elli volleano, e mostrò che molto li agravasse.