Il Milione/129
|
Edission original: |
Il Milione veneto : ms. CM 211 della Biblioteca civica di Padova, |
|
Fonte: |
http://www.classicitaliani.it/duecento/Polo_Milione_01.htm |
| ← CAPITOLO CXXVIII | Edission e fonte ▼ | CAPITOLO CXXX → |
- De Basina, dove sono i liochorni.
Quando l'omo se parte del regniame de Ferlech, el entra nel regniame de Besaron, lo qual à lenguazio proprio, e nonn à la zente della contrà leze se non chome bestie.
Eli s'apelano per el Gran Chaan, ma non ge fano trabuto se non qualchuna fiata i mandano chosse stranie.
El g'è alifanti <e liochorni>, e àno pello de bufalo e 'l pe' chomo alifante, e à la testa chomo porcho zengiaro e porta senpre la testa verso tera; e sta volentiera inel paltano e inel fango; et è soza bestia a veder; e à uno chorno in mezo la fronte molto grosso e negro.
E à la lengua spinoxa de spine longe, e chon la lingua fano gran mal ala zente e alle bestie.
In questo regniame si è spezie de diverse maniere in gran quantità.
El ge n'è simie pizolle che àno el vixo chomo l'omo e àno altri menbri someianti al'omo.
'Le sono prexe e vien pelade: egli laseno li pelli ala barba e per lo chorpo sechondo ch'à l'omo; po' le meteno in forma e chonzale chon le spezie, sì ch'ele non marziseno, e fale sechare; e po' le mandano per lo mondo a vendere.
E fano chreder a molti homeni ch'ele siano homeni chusì pizoli.
Ancora in questo regniame è molti astori negri chome chorvi, e sono molto grandi e oxelano molto bene.