L'avocato filosofo

by Giglio Padovan

3 L'avocato filosofo Rime in dialetto veneto di Polifemo Acca El bontempon Spiritismo Giglio Padovan 1875 XIX Soneti triestin

Indice:Rime in dialetto veneto di Polifemo Acca.djvu

Giglio Padovan ―  Rime in dialetto veneto di Polifemo Acca

L'avocato filosofo

1875

Edission original:	Giglio Padovan, Rime in dialetto veneto di Polifemo Acca, Trieste, Appolonio & Caprin, 1875
Fonte:	Indice:Rime in dialetto veneto di Polifemo Acca.djvu

←  El bontempon

Edission e fonte ▼

Spiritismo  →

L'AVOCATO FILOSOFO

     Lasso el teatro de la mia cariera;
Vendemelo sto tibio¹ a chi lo vol:
Più libero saro d’un pagnarol,²
Felicità cercando in altra sfera.
     Voi dedicarme a l’ozio campagnol,
Sgionfarme d’aria da matina a sera;
Dopo disnar voi stravacarme in tera
Col muso a l'erba e 'l mapamondo al sol.
     Sì, voi goder la vita pastoral
Fra le patate, i cavoli, i formenti,
Senza brusor de titoli e d’impieghi.
     Sarà per mi quei loghi el tribunal,
Le piegore e le cavre i mii clienti,
E le bestie da soma i mii colleghi!

---

Note

1. Studiolo.
2. Passero.