La Dôna
|
Edission original: |
Marco Pescante, Saggio di poesie veneziane, Venezia, dalla tipografia di Luigi Plet, 1835 |
|
Fonte: |
| ← X. L'Aurora | Edission e fonte ▼ | XII. La Beleza → |
XI.
La Dôna xe un fiore,
Che perde in tun fià
Freschezza, colore,
4Vigore — beltà.
La Dôna dev'essere
Belissima tuta,
L'è fata per piasere,
8E guai se l'è bruta.
Se bela, gnancora
L'è fata per mi;
La more in tun'ora,
12L'aurora — del dì.
Se un'alba, un fioreto,
Che passa assai presto
La xe, parlo schieto,
16Per mi la go in cesto.
La Dôna xe un fiore,
Che perde in tun fià
Freschezza, colore,
20Vigore — beltà.
La bruta po xe
Da far compassion,
Se gnanca l'à in sè
24Sto picolo don.
El don de belezza.
Che porta nel cuor
Co falsa alegrezza
28Tristezza — dolor.
Vol tuti chiazzar
Nel torla per man,
Nessun ghe vol far
32Da gamba da can.
Che s'anca l'à in sé
Ben mile virtù,
L'è sempre un trepiè,
36No l'è — afar per nu.
Sì, sì la brutezza
Xe assae sfortunà,
Chè tropo el la sprezza
40Sto mondo squartà.
(Epur la belezza
Ve porta nel cuor
Co falsa alegrezza
44Tristezza — dolor,
Quantunque predomina
La forza del belo
Cussì come ilumina
48La luse del cielo!)
Ma senza el valore
Coss'è la beltà?
Ah! sola l'è un fiore,
52Che odore — no ga.
La riesce più grata
Co un fià de virtù,
Che sola... isolata
56No l'è afar per nu.
Per nu, cioè per zente
Che grili no ga,
Ma che xe prudente,
60Che sente — che sa.
Nò, qua no gh'è frotole,
Nè semo minchioni,
Parlemo da omeni,
64E no da bufoni.
Virtù co Beltà
L'è l'unico afar,
Che in ordine stà,
68Che sa — interessar.
A monte i preamboli,
Ghe vol l'uno e l'altro.
No parlo da stolido,
72Si ben no son scaltro.
Se l'omo xe bruto
N'importa; se sa
Che l'omo xe un fruto
76Per tuto — aprezzà.
Crearlo prim'elo
Voludo à el Signor:
Sia bruto, sia belo
80L'à sempre più onor.
Dirà qualche stupido
Brutale in amor;
La Dôna xe un anzolo
84Che imbalsema — el cuor.
La Dôna a vardarla
V'incanta, ve bea,
Bisogna adorarla
88Sì... come una dea.
Mi po ghe rispondo,
Co vogio parlar:
Sè un omo de mondo,
92Ma tondo — in sto afar.
La Dôna xe un fiore,
Che langue assai presto,
E tuto el so umore
96Va po a torl'in cesto.
Beltà so aprezzarla,
Son omo anca mi,
Ma tanto adularla,
100Sgionfarla — cussì,
Co susti, co vezzi,
Co smorfie, co inchini,
I xe stomeghezzi,
104Che fa i libertini.
Xe l'omo assai nobile
Col vole, col sa,
Ma po per le femene
108In frotole — el va.
Perciò no convien
Licar ste ragazze;
Amarle va ben,
112Ma farle star basse.
El celebre Piero,
Poeta d'amore,
Al sesso legero,
116Xe vero, — el fa onore.
Lù a Venere bela
Ghe infiora le veste,
Per lù una putela
120Xe un ragio celeste.
De ste morosete
Tutore fedel,
Lù sempre framete
124Strofete — de miel.
Va ben, Metastasio
La pensa cussì;
No parlo, ma adasio
128Che pensa anca mi.
Intanto mi so
Ch'el bravo Voltér
Ghe dà in un bomò
132Del so — p...
(Poeta zentile,
Che venero e adoro,
Che merita mile
136Corone d'aloro;
El dise anca lù,
Lo digo anca mi;
Voressi mo vu
140De più — de cussì?)
D'altronde el ve incanta,
L'imbalsema el cuor
Soltanto col canta
144De Dône e d'Amor.
La so unica altezza,
La sola so messe
Za xe in tenerezza,
148Dolcezza — interesse.
Ma po, ch'el me scusa,
Se qua l'è sublime,
Nel resto la musa
152No xe dele prime.
E forse se in b...
No fossimo andai,
Saria Metastasio
156Più celebre — assai.
S'el buta al platonico,
Parlando d'amor,
La so metafisica
160Ga poco saor.
Ma lasso sior Piero,
E in massima digo
In ton veritiero,
164Sincero — e d'amigo,
Che quando se unisce
Beltà e Sentimento,
L'è un caso felice,
168Ma el capita a stento.
Un viso avenente
Xe meza desgrazia
Se po nol ga a rente
172La mente — la grazia.
A monte i preamboli,
Ghe vol l'uno e l'altro;
No parlo da stolido,
176Ragiono da scaltro.
Virtù co Beltà
L'è l'unico afar,
Che in ordene stà,
180Che sa — interessar.
Nò, qua no gh'è frotole,
No semo zuconi,
Parlemo da omeni,
184E no da bufoni.
Sì; quando se acopia
Beltà e Sentimento
L'è el caso a proposito,
188Ma el capita — a stento.
'Na Dôna sifata
La trovo de boto!...
Ah! sì la se cata,
192Ma l'è un terno al loto.
Sior sì, la xe amabile
Sta cara beltà,
La xe nele femene
196Un pregio — al de là;
L'è el carateristico
Del sesso gentile...
Ma in pien quanto durela?
200Un mese d'aprile.
E po la belezza
Ve porta nel cuor
Co falsa alegrezza,
204Tristezza — dolor.
I pregi del'anima
Distinti e preclari,
Se sa, a ste petegole
208No i xe familiari:
Chè in pien cativele
Le xe quasi tute
Sia vechie, o putele,
212Sia bele — sia brute.
Ma basta: l'è un fato,
(Quieteve, parone)
Se sa ch'el xe mato
216Chi crede a le Dône.
Dir altro, cospeto,
Mi adesso no so;
E dunque desmeto,
220Ma ò deto — e el dirò:
La Dôna xe un fiore,
Che langue assae presto,
E tuto el so umore
224Va po a torl'in cesto.