La musica
|
Edission original: |
Jacopo Vincenzo Foscarini, Per le nozze Medin-Maniago, Versi in dialetto veneziano, Venezia, dalla tipografia di G.B. Merlo, 1839 |
|
Fonte: |
| ← La straleca | Edission e fonte ▼ | El mese de Magio → |
LA MUSICA
Che Musica! senti
Aneta, Rossini,
Che svoli divini,
Che sempre el ne fa.
Descrita mi lezo
Del ciel l'armonia,
E a sta melodia
Me par d'esser là.
Là suso tra i cori
Dei spiriti eleti,
Che esala da i peti
La fiama d'amor.
Si là tra i beati
Co ti in Paradiso,
Se del to bel viso
Vien zozo el splendor.