La straleca
|
Edission original: |
Jacopo Vincenzo Foscarini, Per le nozze Medin-Maniago, Versi in dialetto veneziano, Venezia, dalla tipografia di G.B. Merlo, 1839 |
|
Fonte: |
| ← El garanghelo | Edission e fonte ▼ | La musica → |
LA STRALECA
Che lampi, che toni!
Che vento in furor,
Oh Dio! che saetoni,
Che zussio, che oror!
Che note tremenda
Che scuro infernal,
No ghe che riplenda
Lusor de feral,
Nineta, ti tremi?
Vien qua sta con mi,
Che ancor a sti estremi
De note fa dì.
E in mezzo al sussuro
Del nembo infurià,
Amor sa star duro
Da bravo soldà.