La signorina
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← El ricordo de la veceta | Edission e fonte ▼ | El vental → |
LA SIGNORINA
Se la incontrè par strada si tentadi
De crédarla sul serio ’na sioreta;
La g'à un bel capelin, la so bluseta,
E i stivaleti giali ’mbotonadi.
Ma i quatro soldi da ela guadagnadi
Sensa mai respirar ’na mesoreta,
Nel far su un capelin o ’na scufieta,
I è proprio tuti bessi fusiladi.1
Tuto va in mode, tuto va in le gale,
E so mama, poareta, no la g'à
Gnanca un sial da butarse su le spale.
In casa no vedì che du paioni,2
Do’ careghe, ’na tavola, un stagnà....3
E le magna polenta co i supioni!4
- Note