El ricordo de la veceta
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Cose da forca! | Edission e fonte ▼ | La signorina → |
EL RICORDO DE LA VECETA
Su da diese scalete, al quinto pian,
In t'una camareta infumegada,1
Co’ un finestrin con tanto de ramada2
Che guarda sora i copi3 a tramontan;
Dove no riva un fià de quel bacan
Che fa la gente in giro par la strada,
Ghe vive ’na veceta malandada
In compagnia del so gatòn sorian.
In fianco al leto e sora del bufeto,4
Gh'è un santo5 rapolà,6 onto, bisonto,
E davanti ghe brusa un lumineto.
Passa de i giorni che no la se sfama;
Ma el lume al santo che la tien da conto
El brusa7 sempre par so pora mama!
- Note