EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Letera a Teresa
del so moroso che fa el navigante
1857-58

 Edission original:   

Camillo NalinPronostici e versi di Camillo Nalin, Volume III, Venezia, Giambattista Andreola, 1858

 Fonte:

Indice:Pronostici e versi di Camillo Nalin 3.djvu

←  Le campane Edission e fonte ▼ Per l'album de la regazza Eleonora  →


[p. 201 modifica]
LETERA
A TERESA
DEL SO MOROSO CHE FA EL NAVIGANTE.


Son un anfibio, Gegia,
     Che a tanti ghe somegia,
     Ossia de quei mi son,
     Che nati in tera
     5Passa per elezion
     La vita in mezzo el mar matina e sera.
Ardito
     El mariner
     Ragiunge col pensier
     10Qualunque sito,
     Mari, boschi, pianure, loghi alpini,
     E le idee sempre nove e sempre pronte,
     Che no vede confini,
     Va a tocar da ogni parte l'orizzonte;
     15In mezzo al so elemento
     Trasportà,

[p. 202 modifica]

Sul cassero montà
Del bastimento,
Col desiderio unito a la speranza
20Percore ogni distanza,
Dal logo dove impera
I geli permanenti
Sin a quelo che in cenere la tera
Ze ridota dal sol coi ragi ardenti,
25Senza che lo spaventa
Disagi o traversie che se presenta.

Dio che da l'alto regna sui viventi,
E co la so bontà,
Che ze infinita,
30Ghe dà le facoltà
Corispondenti
A l'indole de vita,
A la qual i ze stai
In sta vale de stenti destinai;
35Nel somo soo saver
Ghe acorda al mariner
Forza da soportar
Strusie, disagio,
E i mari de sfidar
40Co del coragio.

Dunque la nave mia sera e matina
Intrepida camina,
E quando le bufere e le tempeste,
Che fa deventar l'onda prepotente,

[p. 203 modifica]

45La minacia, la agita, la investe,
Alora la mia mente,
Ogni grave pericolo sprezzando,
Se va solo ocupando
In quel finimento
50Le vele de mainar per impedir,
Che i refoli de vento
Le vegna co de l'impeto a colpir,
Nè penso che a diriger el timon,
Che star a l'erta e far osservazion,
55Da aveduto pilota.,
Quala pol esser l'onda da afrontar,
E quala da schivar,
Perchè nel so furor no la me ingiota.

Ma co propizio el vento,
60In calma l'elemento,
Senza spernachi el cielo,
El sol lucido e belo,
La nave pol sul mar
Tranquila caminar
65Senz'ombra de paura
De qualche scontraura,
El mio pensier racolto
In quei mumenti
A ti, Teresa, tuto ze rivolto,
70L'universo per mi ti rapresenti;
E quando che la note col so velo
Ze prossima a vegnir,

[p. 204 modifica]

E ze per comparir
Le stele in cielo,
75De trato in trato alora
Con espansion de afeto
Sin a la nova aurora
El to nome carissimo ripeto;
El mormorio de l'onda
80Me par che me risponda,
Me par che ti me chiami,
E me godo a pensar che ti me ami.

Me par fra l'estasi
Del mio trasporto
85De calar l'ancora
Drento del porto;

Me par scaldandome
La fantasia,
Che senza ostacoli
90Ti ti sii mia;

Me par de vederte
Sui mii zenochi
Parole tenere
Dirme coi ochi;

95Al sen strenzendote
Orbo d'amor
Sentirte el batito
Me par del cuor,

E in mezzo i palpiti
100D'ogni dileto,

[p. 205 modifica]

Lassando libero
Sfogo a l'afeto,

Indivisibile
D'esser da ti
105Sin a la cenere;
Gegia, bondì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Letera_a_Teresa&oldid=39368"