Luna rossa e Luna bianca

by Berto Barbarani

3 Luna rossa e Luna bianca I due canzonieri I due canzonieri/Libro I - El rosario del cor Fu Fu Molin molina Berto Barbarani 1895 XIX Poesie veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro I - El rosario del cor

Luna rossa e Luna bianca

1895

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  Fu Fu

Edission e fonte ▼

Molin molina  →

LUNA ROSSA E LUNA BIANCA

I.

     – Par cosa mò èla rossa
la luna? ― L'è rabiada,
el sol, così par scherso,
el l'avarà scotada;
     doman nasse disgrassie,
     bison tegnerla in bona,
     bisogna saludarla:
     – Siora luna parona!
               Ma la luna no parla...

E in çima a le montagne 'na vosse suta, suta,
sigava: Oh Dio, la luna, guardè come l'è bruta!
E un penacio¹ de pigno,² sbatù su e zo dal vento,
faseva tante sgogne,³ da l'uno fin al çento!

II.

     Par cosa mò èla bianca
la luna? – Tira drito!
Parchè doman l'è festa,
la s'à lavà pulito;
     batèmoghe le mane,
     la portarà fortuna,
     bisogna saludarla:
     ― Parona, siora luna!
               Ma la luna no parla...

E una vosseta alegra, come una campanela,
cantava: Oh Dio, la luna, guardè come l'è bela!
E in cima al pigno el solito penacio in brasso al vento,
fasea le rivarense, da l'uno fin al çento!

---

Note

1. penacio: pinacolo
2. pigno: pino
3. sgogne: sberleffi.