|
|tipologia=soneti
}}
<poem><center>
A NOME DEI PARROCHIANI
<pages index="Raccolta di poesie in dialetto veneziano 1845.djvu" from=459 to=459/>
<small>PER LA ELEZIONE</small>
<span style="font-size:120%">DI DON GIOVANNI CAO</span>
''a Piovano di san Zaccaria di Venezia.
</center>
Eleto se piovan don Zuanne ''Cao''
Anagrama purissimo de ''coa'':
E infati de nu tuti lu xe ''cao'',
Che drio ghe andemo come agnele in ''coa''.
Poco à mancà che un altro fusse ''cao''
E ''Cao'' dasseno deventasse ''coa'':
Tanto gera el concorso da ogni ''cao''
De chi voleva meterghe la ''coa''.
Ma no i à podesto vegnirghene a ''cao'':
I à fato fiasco; i ga sbassà la ''coa''.
E no ghe resta che tornar da ''cao''.
Cussi à volesto chi xe ''Cao'' e ''Coa'';
Quel Dio che umilia chi va tropo in ''cao'',
Quel Dio che esalta chi se mete in ''coa''.
</poem>
| 