Ventiquattro Odi Scelte di Orazio Flacco/04

by Pietro Bussolin

ODE III. LIBRO I. ODE IV. LIBRO II.

EPODO XV.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE III. LIBRO I.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

←  ODE IV. LIBRO II.

Edission e fonte ▼

EPODO XV.  →

Ode III. Libro I.

Sic te diva potens Cypri
Sic fratres Helenae, lucida sidera.

El bon viazo augurà a Vergilio,
che và in Atene.

Possente Venere — Polùce e Castore,
     Stele che lucide — brilè, là, in cielo,
     Tute ve suplico — sì, protegèlo
     4El mio Vergilio — pronto a partir;
E ti, gran Eolo — dei venti prencipe
     Tien i to' suditi — strèti in caène,
     Ma quel che supîa — là, verso Atene
     8Lassilo libero — quanto ch'el vol;
E che prestissimo — senza pericoli,
     Ma tranquillissimo — quel bastimento,
     Che meza l'anema — de mì gà drento,
     12In porto l'àncora — possa calar.
Ah! che a tre dopïe — de bronzo e ròvere
     Gièra, m'imagino — fodrà quel pèto,
     Che, primo, intrepido — senza sospèto
     16S'un legno debole — s'à messo in mar!
Chi? se nò el diavolo — forte in garètoli
     Pol star a l'impeto — de quel gran vento
     Che vien da l'Africa — e t'un momento
     20Co Bora perfido — vol contrastar?
O, l'inquietissimo — Ostro despotico
     De l'Adriatico — chè, ora in bonazza,
     Ora in gran còlara — cambiando fazza,
     24Porta desordini — da far tremar?

Com'è possibile — con ochi imòbili
     Suti, aridissimi — vardar zò, a basso
     Quei mostri orìbili — che un gran tremàsso,
     28Solo a pensarmeli, — me fà vegnir?
E quele Iadi — stèle malèfiche,
     E i danosissimi — scogi in Epìro,
     Che, avicinandoli — co' se xè a tiro,
     32In tochi e in fregole — certo se và?
Par, donca, inutile — quel gran Oceano
     Che i Numi providi — gà stabilio,
     Come disendone: — Via, tornè in drio,
     36No ve xè lecito — de andar de là;
Quando che, in seguito — sto imenso Pelago
     Dai stessi òmeni — prepotentissimi,
     Co barche picole — azardosissimi,
     40Squasi per bàgolo — s'à traghetà.
Ma! ste audacissime — umane frègole
     No vol'ostacoli — vol vencer tuto.
     Vardè un Prometëo — quel cussì astuto
     44Ladro sacrìlego — quanto à tentà!
Per quela fiacola — col fogo eterëo,
     Che, oltre che subito — n'à scurtà i àni,
     Gran frève insolite — mile malàni
     48De cento generi — la n'à portà;
Cussì quel Dedalo, — famoso artefice.
     Che xè andà in arïa — co un per de ale
     Tacàe col màstese — da drìo le spale
     52(Cosse per aquile — nò mai per nu).
Cussì, quel Ercole — che, zò ne l'Èrebo,
     Vinto el can cerbero — gnente smarìo,
     Fin d'aver dialogo — ghe xè riussìo
     56Sia co Proserpina — che co Pluton —
In soma, ai òmeni — gnente è dificile,

     E se fatibile — ghe fusse ancòra,
     De l'altre buscare — co Quei de sora
     60Mi son certissimo — che i vorìa far;
Nè mai stufandose, — nè mai pentindose,
     A Giove in còlara — dando argomento,
     Che per nù perfidi — gnanca un momento
     64Senza i so' fulmini — nol possa star.