Ventiquattro Odi Scelte di Orazio Flacco/12

by Pietro Bussolin

ODE XV. LIBRO III. ODE XXVI. LIBRO III.

ODE XIII. LIBRO I.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE XV. LIBRO III.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

←  ODE XXVI. LIBRO III.

Edission e fonte ▼

ODE XIII. LIBRO I.  →

Ode XV. Libro III.

Uxor pauperis Ibyci,
Tandem nequitiae pone modum tuae.

Ode dirèta a Clori, vechiàzza baròna che vol far da putèla; consegiandola a ritirarse dal mondo e a metarla via.

Mugier cara de Sior Ibico,
     (De quel povero bertoldo
     Squasi sempre senza un soldo,
     4Che no parla, e lassa far.)
Via desmèti, e daghe un tèrmine
     Ai to' infami fufignèzzi,
     E a quei sporchi putanèzzi,
     8Che à dà tanto da parlar.
Pensa, in vece, al cimitèrïo,
     E a le tante to' schinèle,
     Nè andar più fra le putèle,
     12Cussì vechia, a sbordelar;
Perchè, là, co' ti ghe càpiti,

     Oltre che ti sii un intrigo,
     Ti ghe fà, come el calìgo,
     16Scuro e spuzza (con perdon).
Che col cimbano la Folöe
     Cogia far, come fà tante,
     Canti e salti da Bacante,
     20L'è to' fia, no ghe xè mal;
Come, gnanca, straordinarïo,
     Che scaldàda e messa in chiazzo,
     Per trovar qualche ragazzo
     24La se mèta a scavalar;
Forsi, ancora, perdonandoghe,
     Se, per Noto, una cavrèta
     La deventa lassivèta,
     28Co' darente la lo gà;
Ma, una mare! e ben decrepita!
     Co le rose e i galanèti!
     Co quei canti e quei balèti,...
     32La fà proprio stomegar;
Tanto pèzo, quei gran càlici,
     Che in t'un sorso ti te svodi,
     E che par che ti te godi
     36Fin la fezza de chiuchiar.
Basta, Clori, alfin, resolvete,
     Chiò una roca, e de la lana
     De la mègio Luceriana,¹
     40E desponite a filar.

---

Note a cura de l'autor

1. Luceria, Cità de la Pugia, ora Capitanata, che dava la più bela lana a quei tempi.