Ventiquattro Odi Scelte di Orazio Flacco/23

by Pietro Bussolin

ODE II. LIBRO II. ODE XXXVIII. LIBRO I.

EPODO IV.

Pietro Bussolin

Ventiquattro Odi Scelte di Orazio Flacco
tradotte liberamente in verso e dialetto veneziano

ODE II. LIBRO II.

1832

Edission original:	Bartolommeo Gamba, Serie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832
Fonte:	Indice:Serie degli scritti impressi in dialetto veneziano.djvu

←  ODE XXXVIII. LIBRO I.

Edission e fonte ▼

EPODO IV.  →

Ode II. Libro II.

     Nullus argento color est, avaris
     Abditae terris inimice lamnae.

A CÁJO SALUSTIO CRISPO

In lode de l’onestà, e del bon uso de i soldi; facendo particolarmente elogio a Proculejo, o Proculèo.¹

Crispo mio, fin che l’arzento
     Se lo tien la tèra avara
     Tra i so’ sassi sconto drento,
     4Nol gà gnente de color;
     Ma l’acquista un gran splendor,
     Senza màcola nè tara,
     Quanto cauti doparandolo
     8El se impiega a far del ben.
Proculèo xè stà un de’ quèli
     Che sarà quà eterno al mondo,
     E la Fama in tuti i Cieli
     12El so’ nome portarà;
     Giustamente celebrà
     Per quel cuor, quel so’ bon fondo
     Che a i fradèi, nel caso misero,
     16L’à savesto demostrar.

Chi à riussìo nel gran impegno
     De frontar, ma superando
     L'avarìzia (mostro indegno!)
     20Un gran regno s'à formà,
     Ma più grando e dilatà
     Che no aver al so' comando
     La famòse do' Cartàgini,²
     24E la Lìbia, e tuto el mar.
Se un intròpico contenta
     Quela sè che lo devorà,
     Sempre più la sè ghe aumenta
     28Senza farse nissun ben;
     E a morir zà ghe convie
     Se nol cazza tuto fora
     Quel'umor maledetissimo
     32Che in tel sàngue el gà missià.
La vertù no stima gnente,
     Nè la vol frà i so' campioni
     Quel Fraäte re potente,³
     36Che dò volte el trono à bù;
     E, no minga, per vertù,
     Ma in quel modo che i baroni
     Per qualunque inlecito mezo,
     40Vol aver quelo che i vol.
Ah! la plebe à sempre dito,
     (E 'l so' dir merita fede)
     Che se acquista un gran derito
     44Per aver corone e troni,

     E dormir, quieto, i so' soni,
     Quel che a l'òro mai nò cede,
     E con ochio da filosofo
     48I tesori pol vardar.

---

Note a cura de l'autor

1. Cavalier roman che à mantegnù col proprio patrimonio i so’ fradeli, ai quali, per esser stai del partido de Pompèo, ghe xè stà confiscà tuti i beni.
2. Do' Cartagini; una nella Libia, l'altra in Spagna, nota adesso per Cartagèna.
3. Fraäte, re de i Parti usurpator del regno, scazzà da l'esercito de i Sciti, e che s'à refugià da Augusto.