La botesela da endaquàr
|
Edission original: |
Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924 |
|
Fonte: |
| ← El mussatin | Edission e fonte ▼ | Fra i Cimbri dei monti Lessini veronesi → |
La botesela da endaquár 1
Dialetto della riviera gardesana. (Lago di Garda Superiore)
'N ’asen, ’n ’om, en carèt, ’na botesèla
Co ’n tubo e ’n toc de banda 2 tut sbusà,
Mez letolitro d’aqua e ’na cordèla
Che tira ’n tel conzegn 3 che ten stupà 4;
’Na sbianzada 5 da questa e po’ da quela
Che la se suga ’n tel voltarse in là;
Eco la moda che i à ’nventà, ma bela
De sbiansar el paes en temp d’istà!
L’altro giorno ’n de quela che i paseva
Dent en Castel vizìn a le banchéte
G’ò vist l’asen alegro e che ’l rideva.
Forsi, ’n tel veder quela pisarola,
El pensava che, quando che ’l se méte,
L’endáqua de pu lu ’n ’na volta sola!
- Note