Le vèce dal sabato

by Vittorio Vitturi

3 Le vèce dal sabato Strade e vicoli I refudi Du ladri Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

Le vèce dal sabato

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  I refudi

Edission e fonte ▼

Du ladri  →

LE VÈCE DEL SABATO

     Al sabo de matina — inverno o istà —
Dove gh’è ’na botega o gh'è un porton,
Se vede de le vèce in procession
Che fa el mestier de andar par carità.

     Le g'à in testa un fassol¹ che fa pietà
E infilado in te ’l brasso un gran sporton;
Le va via mese scalse e a strapegon;²
E le gira così mesa cità.

     Ci ghe dona du bessi, ci un paneto,
Ci qualche strassa da portar adosso;
E le sbrodola Requie par dispeto.

     Le va a la çerca par l’amor de Dio,
Ma a ci ghe dise: “No ghe n'ò, no posso...„
Quante maledissioni ghe va a drio!

---

Note

1. [p. 101]Fassol: fazzoletto
2. [p. 101]strapegon: strasciconi.