Quando saroio un dì senza Fortuna
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Epitaphii | Edission e fonte ▼ | Quante volte rasono mi soletto → |
.jpg)
E che me trova in tun porto seguro,
Azzo che'l mar, e i furiosi venti
No n'habbia pi poder su la mia nave,
Repossandome un tempo alliegro in pase,
Contento di mie anni, e de richezza?
Che besogna bramar tanta richezza,
Siando sottoposti alla Fortuna,
Val meio un zorno, che se staga in pase,
Cha gran Signor, e non esser seguro,
L'homo xe in mar una picola nave,
Alla descrition de mille venti.
Oime, che i crudi, e rabiosi venti,
Tiol in tun tratto la nostra richezza,
E fa perir ogni superba nave,
Che no se puol contender con Fortuna,
Nianche Nettuno, no se tien seguro,
Quando le onde, no se trova in pase.
El xe pur un bel che, viver in pase,
E scampar quelle furie di gran venti,
Stagando in liogo che sia ben seguro,
Per varentar la vita, e la richezza.
Al despetto del Mar, e de Fortuna.
Oe lassa andar chi è saldo le nave,
E staga in terra per viver in pase,
Fagandoghe le fighe, alla Fortuna,
E quanto sopiar che puol i venti,
Ridando con la so puoca ricchezza,
Negociando cauto, e ben seguro,
Mo chi se tien da le Sorte feguro,
In casa, no cha dentro d'una nave,
Perche no ziova saver, o ricchezza,
Che no se sta pur un momento in pase,
Contrastando dì, e notte, con i venti,
Quando s'ha'l ciel nemigo, e la Fortuna.
Canzon no son feguro, in sta mia nave,
Ni la ricchezza, me fa star in pase,
Perch'ho contrario i venti, e la Fortuna.