So mama!

by Vittorio Vitturi

3 So mama! Strade e vicoli La va in coleio I refudi Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

So mama!

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  La va in coleio

Edission e fonte ▼

I refudi  →

SO MAMA!

     Na bruta ghigna,¹ un muso da s-ciafoni,²
La gira par Via Nova con so fiola;
E ci ghe par, da l’aria, bontemponi,
A vèdarla che ociade³ la ghe mola!

     La va ne le boteghe a tor campioni
E la parla par quatro da ela sola;
La se sganassa⁴ mesa da i sbocioni⁵
E la ris-cia, da furba, ’na parola:

     “Voria far ’na bluseta a sta putela,
De lusso e a bon marcà... Ah, giovinoto,
Ma ’l guarda che fiolona,.... no l’è bela?„

     “Bela!... Ma quà la roba l'è careta...
Cerchè più in su l'insegna del merloto;
Avì⁶ sbaglià botega, siora Beta!„

---

Note

1. [p. 101]Ghigna: faccia trista
2. [p. 101]s-ciafoni: schiaffi
3. [p. 101]ociade: occhiate
4. [p. 101]sganassa: smascella
5. [p. 101]sbocioni: scopî di riso
6. [p. 101]avì: avete.