La scuola del teatro/Parte prima
|
Edission original: |
Giacinto Gallina, Le barufe in famegia, Milano, Treves, 1923 |
|
Fonte: |
Indice:Gallina - Le barufe in famegia, Milano, Treves, 1923.pdf |
| ← Personaggi | Edission e fonte ▼ | Parte seconda → |
Salotto modesto. Una tavola apparecchiata per il pranzo. Porta comune nel fondo; due usci laterali chiusi.
Dunque la conclusion xe che gnanca ancuo se disna?
Cossa vustu che te fassa anima mia...?
Ecolo, col so intercalar! Aver fame e vedar quela camòma,1 le xe robe da far un sproposito!
Tasi, che forse per ti sarà restà qualcossa; no xe vero Rosa?
Cossa vorlo che sia restà? Ghe digo che xe svolà in corte fin l'ultima fregola de pan.
Ah buzareti! E nualtri, che se torna da l'ufizio co' sta sgnèsola de fame, ne toca restar a stomego vodo.
Cossa vustu che te fassa anima mia? Mia mare e mia mugier no xe andae mai d'acordo, ma da un poco de tempo no so più che santi ciamar.
Almanco se pol saver percossa che le ga butà el disnar fora del balcon?
Cossa vustu che te diga anima mia? Co so vegnuo a casa le go trovae serae una qua
accenna a destra.
accenna a sinistra.
no le vol vèrzar la porta, e no posso gnanca andar a darghe un baso al mio bambin.
a Rosa.
Che novità xe nata ancuo?
Xe nato che la parona vecia voleva magnar de magro, perchè xe vènare, la parona zovene voleva magnar de grasso; mi, come che el m'à dito lu, go tolto del pesce e dela carne; ma, co le xe vegnue in cusina, so mugier ga butà via el pesce, so mama la carne, e, se no me meteva de mezo mi, le se butava fora del balcon anca lore. Anzi, a dirghela s'cieta no vogio rovinarme el sangue co' sti criori e per el primo del mese me meto in libertà.
Via.
Gastu capio, vecio?
Eh, go capio da un toco mi! Senti tesoro, nualtri semo compari, semo coleghi d'ufizio, e posto che no go famegia no m'à parso vero de metarme in pension da ti. Ma, a dirtela s'cieta, coi conti ala man, in do mesi che son da vualtri, gò disnà poco più de trenta volte. Varda, ghe n'avemo 18 de marzo, al primo t'ò dà le çento lire dela pension e oramai so in credito de diese disnari, de quatro marende e de sie çene che xe andae a spasso sempre per le barufe de to mare e de to mugier.
Ti ga rason, ma....
Cossa vustu che te fassa anima mia? E mi intanto un poco ala volta devento seco incandìo come una sardela.
Tasi che per ancuo çercaremo de rimediar. Ti ciama la mama, mi ciamo mia mugier, e andaremo a disnar a l'ostaria.
Provemo.
a destra.
Siora Anzoleta, la verza,2 siora Anzoleta.
a sinistra.
Celestina, verzi un momento, Celestina.
Co' sti nomi se dovaria esser in Paradiso.... Siora Anzoleta!
di dentro.
Lassème morir qua sola, mi no domando che de serar i oci in pase.
Auf!
Celestina?
di dentro.
Xe inutile che ti me ciami, no vegno gnanca se casca el mondo; e finissila se nò fasso saltar in aria la casa.
No, per carità, Celestina.
A Menego.
Cossa vustu che te fassa anima mia?
Infati, mi no vogio digiunar anca ancuo; vado a disnar fora e po' vado a teatro e patron sior lustro. Oh! che bela idea!
Cossa xe nato?
Stasera al teatro Goldoni, se dà le Barufe in famegia. Una comedia che par talis et qualis quela che to mare e to mugier recita ogni giorno in sta casa.
Ben, e cossa me ne importa a mi, anima mia?
No ti capissi? Dovaressimo condurle a teatro a çiò le veda el mal che fa nele famegie i contrasti, a çiò le se specia e le se cambia.
Oh sì, figurite! Co no le se ga cambià ai consegi, ale prediche che ga fato don Gaetano e don Bortolo, che xe i so confessori, ti voressi che una comedia....
Cossa vustu che fassa le prediche de don Gaetano? Drento da una recia fora da st'altra. Ma la comedia che diverte, che comove, resta impressa, e no se la scorda più. El teatro xe una gran scuola, vecio mio! E no te lo digo miga mi, sastu? Lo go sentio dir da professoroni coi fiochi, lo go leto sui libri e sui zornali; e saria proprio al caso de provarlo.
Cossa vustu che te diga? Ris'ciemola! Rosa! Rosa!
Rosa esce.
Vardè che andemo a teatro. Per carità, tendèghe al putelo....
I va a teatro a stomego vodo?
Cussì ghe farà più efeto la lezion.
Cossa? I va a tor una lezion a teatro?
Vu no stè a pensar. Andè presto a tor da çena e vedarè che no nassarà più criori.
Magari disesselo dassèno!
Via.
E nualtri destrighèmose.3 Xe squasi le oto e no ghe xe tempo da perder.
E se no le vol vegnir?
A teatro? Eh, mato, varda.
A destra.
Sior'Anzoleta?
di dentro.
Lassème pianzer, lassème morir, go bisogno de quiete.
Celestina?
di dentro.
No vogio vèdar nissun. Stago mal, stago mal!
Me dispiase che ti staghi mal, perchè Menego gaveva tolto un palco al Goldoni e xe giusto ora de andar.
sulla porta.
Voleva domandarghe se la gaveva vogia de vegnir al....
Pause. Si spalancano le due porte. Menego e Bepi si guardano facendosi segni d'intelligenza, fregandosi le mani.
E adesso speremo che nassa sto miracolo!
Via tutti, e cala la tela.
- Note